हेटौँडाबाट खैरो हेरोइनसहित एकजना पक्राउ

काठमाडौं, जेठ २२। प्रहरीले लागूऔषध खैरो हेरोइनसहित एक जनालाई पक्राउ गरेको छ ।

हेटौँडा उपमहानगरपालिका–१ बाट ३१ वर्षीय मिलन परियारलाई पक्राउ गरेको हो ।

। जिल्ला प्रहरी कार्यालय मकवानपुरबाट खटिएको टोलीले शङ्कास्पद रुपमा हिँडिरहेका परियारलाई चेकजाँच गर्दा उनले लगाएको पाइन्टको खल्तीभित्र सुर्तीको प्याकेटमा लुकाई छिपाई राखेको लागुऔषध खैरो हेरोइन सात ग्राम बरामद गरेको जनाएको छ ।

पक्राउ परेका परियारमाथि आवश्यक अनुसन्धान भइरहेको प्रहरीले जनाएको छ ।