बालिका बलात्कारको आरोपमा एक जना पक्राउ

काठमाडौं, जेठ १७ । पर्वतमा बालिका बलात्कारको आरोपमा एक जना पक्राउ परेका छन् ।

७ वर्षीया बालिका बलात्कार गरेको आरोपमा पर्वत पैयूँ गाउँपालिका–६ सरौँखोला घर भएका १९ वर्षीय सुरज परियारलाई इलाका प्रहरी कार्यालय हुवासले बिहीबार बेलुका पक्राउ गरेको हो ।

बालिकालाई परियारले पर्वत विहादी गाउँपालिका–५ उराम खोरपोखराको जंगलमा लगेर बलात्कार गरेको भन्दै पीडित पक्षले प्रहरीलाई खबर गरेका थिए । खबर गरेलगतै प्रहरीले परियारलाई पक्राउ गरेको जनाएो छ ।

आरोपित परियार चन्द्र माध्यमिक विद्यालय उराम खोरपोखरामा ज्यामी काम गर्दै आएका थिए ।

आरोपित परियारलाई नियन्त्रणमा लिई थप अनुसन्धान तथा कारबाहीका लागि जिल्ला प्रहरी कार्यालय पर्वतमा पठाइएको प्रहरीले जनाएको छ ।