नक्कली सुन देखाएर ठगी गर्ने ३ जना पक्राउ

काठमाडौँ, जेठ १२ । नक्कली सुन देखाई ठगी गर्ने तीन जनालाई प्रहरीले पक्राउ गरेको छ।

प्रहरीले रामेछाप घर भई भक्तपुर बस्ने २२ वर्षीय सुदीप सिलवाल, सिन्धुपालचोक घर भक्तपुर ठिमी बस्ने २५ वर्षिय शेरबहादुर डुम्जन र काभ्रे खार्पाचोक घरभई जडिबुटी बस्ने मुस्कान भन्ने सानु तामाङलाई पक्राउ गरेको हो।

उनीहरुलाई काठमाडौँ परिसरबाट खटिएको प्रहरी टोलीले पक्राउ गरेको हो। उनीहरु १ किलो सुन देखाई ३६ लाख ठगी गर्न लागिरहेको अवस्थामा पक्राउ परेका हुन्।

प्रहरीले उनीहरुबाट नक्कली सुन १ केजि, ४२ हजार रुपैयाँ नगद, दुई थान स्कुटी र मोवाईल चार थान बरामद गरेको छ।

उनीहरुले गत वैशाख १९ गते राजकुमार पकुवालसँग १ किलो नक्कली सुन देखाई ३६ लाखमा डिल गरी २० लाख २१ हजार रुपैयाँ लिएर सुन पनि नदिएर फरार भएको प्रहरीले जनाएको छ।

उनीहरुमाथि थप अनुसन्धान भइरहेको प्रहरीले जनाएको छ।