बर्दियामा मोटरसाइकल दुर्घटना हुँदा प्रहरी जवानको ज्यान गयो

काठमाडौं, जेठ ८ । बर्दियामा मोटरसाइकल दुर्घटना हुँदा प्रहरी जवानको ज्यान गएको छ ।

गुलरिया नगरपालिका–१ खैरापुर बस्ने प्रहरी जवान अवधेशकुमार यादवले चलाइरहेको भे८प ७८९ नम्बरको मोटरसाइकल गुलरिया नगरपालिका–३ स्थित निमकोठियामा रोकिराखेको ट्रलीमा ठोक्किएर दुर्घटना हुँदा उनको ज्यान गएको हो ।

उपचारका क्रममा उनको नेपालगञ्ज मेडिकल कलेजमा राति १२ बजे मृत्यु भएको जिल्ला प्रहरी कार्यालयले जनाएको छ । दुर्घटना मंगलवार राति ११ बजे भएको थियो ।