काठमाडौंको चावहिलबाट लागुऔषध खैरो हिरोइनसहित दुई जना युवा पक्राउ

काठमाडौं, बैशाख ३० । काठमाडौंको चाबहिलबाट दुई जना युवा लागुऔषध खैरो हिरोइनसहित पक्राउ परेका छन् ।

पक्राउ पर्नेहरुमा खोटाङको तुवाचुङ ५ घर भएका २६ वर्षीय सुरेश राई र ३० वर्षीय बबिन राई छन् ।

महानगरीय प्रहरी कपनको टोली परिचालन भएपछि कपन प्रहरीको टोलीले उनीहरुलाई जाँच गर्दा आठ ग्राम खैरो हिरोइन २५ वटा पोकामा फेला पारेको हो ।

खोटाङ घर भए पनि काठमाडौ बस्ने क्रममा सुरेश काठमाडौंको मुलपानी र बबिन काठमाडौंकै बालुवाटार बस्दै आएका थिए ।

पक्राउ परेका उनीहरुलाई हिरासतमा राखेरा थप अनुसन्धान भइरहेको कपन प्रहरीले जनाएको छ ।