नगदसहित ६ जना जुवाडे पक्राउ

काठमाडौं, बैशाख २२ । काभ्रेबाट जना जुवाडे पक्राउ परेका छन् । उनीहरुलाई शनिबार बेलुका प्रहरीले जुवातास खेलिरहेको अवस्थामा नगदसहित पक्राउ गरेको हो ।

बनेपा नगरपालिका–६ रातोमाटेस्थित ज्ञान बहादुर लामाको घरबाट उनीहरुलाई ७३ हजार ८ सय रुपैयाँसहित पक्राउ गरेको प्रहरीले जनाएको छ ।

उनीहरुको साथबाट १ बुक तास र १६ थान कौडा पनि प्रहरीले बरामद गरेको छ ।

जुवातास खेलिरहेको भन्ने सूचनाका आधारमा ईलाका प्रहरी कार्यालय बनेपाबाट खटिएको प्रहरीले उनीहरुलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।