कैलालीको कालिका सामुदायिक वनमा दुई शव फेला

काठमाडौं, बैशाख १९ । कैलालीको घोडाघोडी नगरपालिका-३ को कालिका सामुदायिक वनमा दुई जनाको शव फेला परेको छ ।

इलाका प्रहरी कार्यालय सुखडका अनुसार बुधबार साँझ ७ बजेतिर सडेको अवस्थामा ती शव फेला परेका हुन् ।

फेला परिएको शव घोडाघोडी नगरपालिका-३ का २३ वर्षीय शिवराज चौधरी र जोशीपुर पिपलकोटीकी २५ वर्षीया निर्मला चौधरीको रहेको इलाका प्रहरी कार्यालय सुखडका प्रमुख प्रहरी निरीक्षक यक्षराज जोशीले बताए ।

शव नजिकै सेल्फास (एक प्रकारको विषादी) चक्की फेला परेकाले दुवै जनाले विष सेवन गरेर आत्महत्या गरेको पुष्टि भैसकेको उनले बताए ।

शवलाई पोष्टमर्टमका लागि धनगढी पठाइएको र घटनाको थप अनुसन्धान भैरहेको प्रहरीले जनाएको छ ।