जिल्ला प्रशासन कार्यालय मोरङमा १७ थान हतियार बुझाईयो
Published On : 19 April, 2019 9:03 am
काठमाडौं, बैशाख ६ । जिल्ला प्रशासन कार्यालय मोरङमा १७ थान हतियार बुझाईएको छ ।
मोरङ जिल्ला प्रशासन कार्यालय विराटनगरमा बिहीबारसम्ममा विभिन्न खालका १७ थान हातहतियार बुझाइएको हो ।
गृह मन्त्रालयको निर्देशन बमोजिम हातहतियार बुझाउने बिहीबार अन्तिम दिनसम्ममा उक्त हतियार बुझाइएको जनाएको छ ।
गृह मन्त्रालयले २०७५ चैत १ गतेदेखि ३५ दिने सूचना निकालेर विभिन्न हातहतियार बुझाउन निर्देशन गरे बमोजिम उक्त हतियार बुझाइएको मोरङका सहायक प्रमुख जिल्ला अधिकारी चन्द्रकला ओलीले बताइन्।
बुझाइएका हातहतियारमा भरुवा बन्दुक र दुईनाले बन्दुक रहेको सहायक प्रजिअ ओलीले जानकारी दिइन्।
प्रतिक्रिया दिनुहोस्