लागुऔषधसहित कैलालीबाट २ जना पक्राउ

काठमाडौं, बैशाख ५ । कैलालीको धनगढीबाट लागुऔषधसहित २ जना पक्राउ परेका छन् ।

धनगढी उपमहानगरपालिका–६, ढुङ्गेबजार नजिकबाट प्रहरीले लागु औषधसहित दुई जनालाई पक्राउ गरेका हो ।

पक्राउ पर्नेमा धनगढी उपमहानगपालिका–११, बेलाका ५१ वर्षीय मोतीलाल राना र धनगढी उपमहानगरपालिका–६ मटियारीका २५ वर्षीय रमेश मल्ल रहेका छन् । प्रहरीले लागुऔषध खैरो हेरोइन सहित उनीहरुलाई पक्राउ गरेको हो ।

से २ प ७८९८ नम्बरको मोटरसाइकल रोकेर चेकजाँच गर्दा उनीहरुको साथबाट १८ ग्राम ३७० मिलिग्राम खैरो हेरोइन फेला परेको जिल्ला प्रहरी कार्यालय, कैलालीका प्रवक्ता एवं प्रहरी नायब उपरीक्षक दक्षकुमार बस्नेतले जानकारी दिए ।

पक्राउ परेका दुवैै जनालाई थप अनुसन्धानका लागि अहिले जिल्ला प्रहरी कार्यालय, कैलालीमा राखिएको छ ।