काठमाडौं, माघ २५ । आफैले चलाएको भरुवा बन्दुकको गोली लागेर रोल्पामा एक युवकको ज्यान गएको छ। रोल्पाको रुन्टीगढी गाउँपालिका–९ का २२ वर्षीय मिशन बुढाले आफैमाथि बन्दुक प्रहार गरी आत्महत्या गरेको प्रहरीले जनाएको छ।
प्रहरीका अनुसार बुढाको छातीमा गोली लागेको छ। घरमा श्रीमती नभएको मौका छोपी बुढाले आत्महत्या गरेको इलाका प्रहरी कार्यालय होलेरीका प्रहरी निरीक्षक लेखनाथ चापागाईंले बताए।
मोटरसाइकल सिक्ने क्रममा दुर्घटना हुँदा एक जनाको मृत्यु
धनकुटाको चौविसे गाउँपालिका-८ मासिङटारमा बिहीबार मोटरसाइकल सिक्ने क्रममा दुर्घटना हुँदा १ जनाको मृत्यु भएको छ।
अपरान्ह ४ बजेको समयमा भित्री सडक खण्डमा को१५प ३७६४ नम्बरको मोटरसाइकल सिक्ने क्रममा अनियन्त्रित भई सडकबाट १२ मिटर तल खसेर दुर्घटना हुँदा सोही स्थान बस्ने बर्ष २४ को मिलन कार्की घाइते भएका थिए।
दुर्घटनामा परी गम्भीर घाइते कार्कीलाई उपचारको लागि धरानस्थित बिपी कोइराला स्वास्थ्य प्रतिष्ठान धरान पठाइएकोमा उपचारको क्रममा राति सवा ८ बजे मृत्यु भएको जिल्ला प्रहरी कार्यालय धनकुटाले जनाएको छ।
प्रतिक्रिया दिनुहोस्