काठमाडौँ, पुस ९ । बैतडीमा अज्ञात समूहले घरमै सुतिरहेका ६० वर्षीय एक वृद्धको हत्या गरेर उनकी बुहारीलाई घाइते बताएका छन् ।
सिगास गाउँपालिका वडा नम्बर ९ श्रीभावरमा आइतबार राति ११ बजेतिर अज्ञात समूहको आक्रमणमा परी ६० वर्षीय जशु बोहराको ज्यान गएको हो भने उनकी २१ वर्षकी बुहारी लक्ष्मी बोहरा घाइते भएकी हुन् ।
जिल्ला प्रहरी कार्यालय बैतडीका प्रहरी नायव उपरीक्षक नेत्रमणी गिरीका अनुसार आइतबार राति घरमै सुतिरहेका बेला अज्ञात समूहले बोहरा परिवारमाथि आक्रमण गरेको हो ।
घटना स्थलमा प्रहरी पुग्ने क्रममा रहेकोले बिस्तृत विवरण आउन बाँकी रहेको गिरीले बताए ।
‘राति अपरिचित मान्छेहरु आएर आक्रमण गरेको भन्ने खबर आएको छ, प्रहरी निरीक्षकसहितको टोली घटनास्थल पुग्दैछ’, गिरीले भने, ‘थप जानकारी संकलन गरिरहेका छौँ ।’
प्रतिक्रिया दिनुहोस्