टेकुमा सवारी साधनको ठक्करबाट एक युवकको मृत्यु

काठमाडौं, मंसिर १२ । काठमाडौंको टेकु पुलस्थित कनक पेट्रोल पम्प अगाडि नम्बर नखुलेको सवारीसाधनको ठक्करबाट एक युवकको मृत्यु भएको छ ।

मृत्यु हुनेमा कञ्चनपुर घर भई हाल कीर्तिपुर बस्ने बर्ष १९ का जीवन सिंह रहेका छन् । उनलाई उपचारको लागि बीर अस्पताल लैजाने क्रममा बाटोमै मृत्यु भएको प्रहरीले जनाएको छ ।

दुर्घटना पश्चात सवारीसाधन सहित फरार चालकको खोजी कार्य भईरहेको प्रहरीको भनाइ छ ।

प्रहरीका अनुसार बिहान अन्दाजी ४ बजेको समयमा दुर्घटना भएको हो ।