काठमाडौं, मंसिर ५ । सुनसरीको दुहबीमा ईटा उद्योगमा कार्यरत म्यानेजरको गोली हानेर हत्या भएको छ ।
दुहबी ९ छाताबेलीमा रहेको जय बाबा इटा उद्योगका म्यानेजर ५४ वर्षीय फिदा हुसेनमाथि गोली प्रहार भएको हो । उनी दुहबी वडा नम्बर ९ का अध्यक्ष मेहन्दी हुसेनका भाइ हुन् ।
उनलाई उपचारको लागी नोबेल अस्पताल विराटनगर लैजाँदै गर्दा बाटोमै मृत्यु भएको हो ।
हुसेनलाई बुधबार बिहान ६:३० बजे मर्निङ्ग वाकको समयमा अज्ञात समूहले गोली प्रहार गरेको हो । गोली प्रहार गर्ने समूहको खोजी कार्य सूरू गरिएको जिल्ला प्रहरी कार्यालय सुनसरीले जनाएको छ ।
प्रतिक्रिया दिनुहोस्