कर्णाली नदीमा एक व्यक्तिको शव भेटियो

काठमाडौं, असोज १४ । कैलालीको टीकापुर नगरपालिका–८ सत्ती बजार नजिकको कर्णाली नदी किनारमा शनिबार एक व्यक्ति मृत फेला परेका छन् ।
पुलको ‘पिल्लर’ छेउमा रहेको झ्याङमा अड्किएर पानीमा तैरिरहेको अवस्थामा अन्दाजी ४२ वर्षीय एक व्यक्ति मृत फेला परेका इलाका प्रहरी कार्यालय टीकापुरले जनाएको छ। मृतकको हालसम्म सनाखत हुनसकेको छैन । शवलाई टीकापुर अस्पतालमा राखिएको छ ।