पेस्तोल र ५ राउन्ड गोलीसहित भारतीय नागरिक पक्राउ

काठमाडौं । हतियारसहित प्रहरीले एक जना भारतीय नागरिकलाई पक्राउ गरेको छ।

पक्राउ पर्नेमा भारत पूर्वी चम्पारण जिल्ला मोतिहारीका रोशनकुमार कौरी रहेका छन्। भारतबाट साइकल चढी नेपालतर्फ आइरहेको अवस्थामा शंका लागेर प्रहरीले चेकजाँच गर्दा उनलाई १२ बोरको एक थान कटुवा पेस्तोल र त्यसमा लाग्ने पाँच थान गोलीसहित पर्सा बिन्ध्यवासिनी गाउँपालिका–३ अमरपट्टिबाट पक्राउ गरेको पर्साका प्रहरी उपरीक्षक रेवती ढकालले बताए।

पक्राउ परेका उनलाई थुनामा राखी थप अनुसन्धान गरिरहेको प्रहरीले जनाएको छ।