ढुंगाले लागेर गोसाइँकुन्ड जाँदै गरेकी महिलाको मृत्यु, दुईजना घाइते
Published On : 3 August, 2018 12:05 pm
काठमाडौं । रसुवाको धार्मिकस्थल गोसाइँकुन्ड जाँदैगर्दा ढुंगाले लागेर शुक्रबार एकजनाको मृत्यु भएको छ । अरु दुईजना घाइते भएका छन् ।
मृत्यु हुनेमा रौतहट चन्द्रपुर नगरपालिका–४ की ३८ वर्षीया नम्रता कार्की रहेकी छन् ।
गोसाइँकुन्ड गाउँपालिका–५ स्थित खोलादेखि ५० मिटरमाथि पहिरो गएको स्थानमा एक्कासि ढुंगा खस्दा उनको घटनास्थलमै मृत्यु भएको प्रहरी नायब उपरीक्षक सन्तोष तामाङले बताए ।
पहिरोमा परी रौतहटकै मनोज भट्टराई र रमा आचार्य घाइते भएका छन् ।
प्रतिक्रिया दिनुहोस्