घाँस काट्न जाँदा भिरबाट लडेर अछाममा एक महिलाको ज्यान गयो

काठमाडौं । अछाममा भिरबाट लडेर एक महिलाको ज्यान गएको छ । मंगलसैन नगरपालिका वडा नम्बर १३ बुडाबाडाकी ३० वर्षीया देउरुपा जनालाको शनिबार भीरबाट लडेर ज्यान गएको हो ।

भिटामेलाको अग्लो डाँडा भन्ने ठाउमा घाँस काट्ने क्रममा शनिबार साँझ लडेर मृत्यु भएको स्थानीय अमृता रावतले जानकारी दिए ।

घाँस काटेर घर फर्किन लाग्दा भिरबाट लडेर उनको मृृत्यु भएको हो । मृतकका ३ छोरा र १ छोरी गरी ४ सन्तान रहेका छन् ।