पाँचथरमा जिप दुर्घटना, वडाध्यक्ष सहित ६ जना घाइते

काठमाडौं । पाँचथरको फालेलुङ गाउँपालिका ६ मा जिप दुर्घटनामा परी वडा अध्यक्षसहित ६ जना घइते भएका छन्।

शनिबार बेलुकी फिदिमबाट सिदिन जाँदै गरेको मे१ज १२४० नम्बरको जिप अनियन्त्रित भई सडकबाट ६० मिटर तल खसेको थियो।

दुर्घटनामा परी फालेलुङ गाउँपालिका ६ की वडाध्यक्ष सुजता राई, दीपक राई, सुनिल बान्तावा, प्रदीप राई, राजकुमार राई र चालक रमेश राई घाइते भएका छन्। जसमध्ये वडा अध्यक्ष सुजता र दीपकको अवस्था गम्भीर रहेको प्रहरीले जनाएको छ।

उनीहरुको जिल्ला अस्पताल पाँचथरमा उपचार भइरहेको प्रहरी चौकी सिदिनले जनाएको छ।