सर्वोत्तम पेन्ट्सको प्राथमिक सेयर निष्कासन बाँडफाँट सम्पन्न
काठमाडौं, ११ असार । सर्वोत्तम पेन्ट्सको प्राथमिक सेयर निष्कासन आज बिहीबार बाँडफाँट गरिएको छ। बाँडफाँट बिक्री प्रबन्धक ग्लोबल आइएमई क्यापिटलको कार्यालयमा सम्पन्न भएको हो।
बाँडफाँट अनुसार ७० हजार ५५० आवेदकले १० कित्ताका दरले सेयर प्राप्त गरेका छन्।
कम्पनीले सर्वसाधारणका लागि कुल ७ लाख ५ हजार ५०० कित्ता सेयर निष्कासन गरेको थियो, जसको अंकित मूल्य प्रति कित्ता १०० रुपैयाँ रहेको छ।
यस निष्कासनमा अत्यधिक आवेदन परेको थियो। कुल २८ लाख ९४ हजार २३२ जनाले सेयरका लागि आवेदन दिएका थिए। तीमध्ये २८ लाख ५० हजार २५ आवेदन स्वीकृत भएका छन् भने ४४ हजार २०७ आवेदन अस्वीकृत भएका छन्।
सेयर आवेदन जेठ २८ गतेदेखि असार २ गतेसम्म खुला गरिएको थियो।
लगानीकर्ताले नतिजा बिक्री प्रबन्धकको वेबसाइट, मेरो सेयर प्रणाली, कम्पनीको वेबसाइट तथा सेयर निक्षेप तथा क्लियरिङ सम्बन्धी संस्थाको वेबसाइटबाट हेर्न सक्नेछन्।
प्रतिक्रिया दिनुहोस्