खोलाले बगाउँदा शिक्षिकाको ज्यान गयो

काठमाडौं, असार ३ । खोलाले बगाउँदा शिक्षिकाको ज्यान गएको छ । नुवाकोटको दुप्चेश्वर गाउँपालिका ६ की राधिका आचार्यको आज शुक्रवार विद्यालयमा पढाउन जाँदै गर्दा लडेर ज्यान गएको हो ।

तादी गाउँपालिका ४ को सुन्दरा माध्यमिक विद्यालयमा पढाउन जाने क्रममा ३५ वर्षीया आचार्य चढ्नुभएको स्कुटर दुर्घटना भइ भिरबाट खस्दा तादी खोलाले बगाएर उनको ज्यान गएको जिल्ला प्रहरी कार्यालयका प्रहरी नायब उपरीक्षक ९डीएसपी० रूपक खड्काले जानकारी दिए ।

उनका अनुसार तादी ४ पागेंपाखा भन्ने ठाउँमा पुग्दा आचार्य चढ्नुभएको बा ९७ प ६९२५ नम्बरको स्कुटर अनियन्त्रित भएर दुर्घटना भइ भिरबाट खसेर तादी खोलामा पुगेर बगाउँदा शिक्षिका आचार्यको ज्यान गएको हो । घटनास्थलभन्दा पाँच सय मिटर तलबाट उद्धार गरे पनि उनलाई बचाउन नसकिएको प्रहरीले जनाएको छ ।

आचार्य त्यस विद्यालयमा निमावि तहमा स्थायी शिक्षकका रूपमा कार्यरत रहेकी थिइन् ।