रुपन्देहीको घोडाहा जंगलमा आमाछोरीको शव फेला

काठमाडौं, माघ ११ । पूर्वपश्चिम राजमार्गस्थित रुपन्देहीको देवदह नगरपालिका घोडाहा जंगलमा मंगलबार दिउँसो आमाछोरीको मृत अवस्थामा शव भेटिएको छ।

एक जना अधवैंशे महिला र अन्दाजी ७ वर्षीया बालिका मृत अवस्थामा भेटिएको देवदह प्रहरी चौकीले बताएको छ। उनीहरूको शव कसरी त्यहाँसम्म पुग्यो भन्ने विषयमा अनुसन्धान भइरहेको प्रहरीले जानकारी दिएको छ।

घटनास्थलमा इलाका प्रहरी कार्यालय बुटवल र देवदह प्रहरी चौकीबाट प्रहरी खटिएका छन्। घटनाको विस्तृत विवरण प्राप्त हुन बाँकी छ।‍