बढ्दै कोरोना संक्रमणः उपत्यकामा २४ घण्टामा ७७४ संक्रमित थपिए
काठमाडौँ ,साउन १२ । काठमाडौँ उपत्यकामा पछिल्लो २४ घण्टामा ७७४ जना संक्रमित थपिएका छन् भने काठमाडौँ जिल्लामा सबै भन्दा बढी ४७५ जना संक्रमित थपिएका छन् । त्यस्तै भक्तपुरमा १३२ र ललितपुरमा १६७ संक्रमित थपिएका छन् ।
त्यस्तै काठमाडौँ उपत्यकामा अहिले ८ हजार ३९ जना सक्रिय संक्रमित रहेका छन् । जसमा काठमाडौँ जिल्लामा ५ हजार ८५६, भक्तपुर जिल्लामा ९६६ र ललितपुर जिल्लामा १२१७ सक्रिय संक्रमित रहेका छन् ।
नेपालमा हाल सक्रिय कोरोना संक्रमितको संख्या २८ हजार ८३६ पुगेका छन् ।त्यस्तै अहिले देशभर संस्थागत आइसोलेसनमा २ हजार ८९८ जना रहेका छन् भने होम आइसोलेसनमा २५ हजार ९३८ रहेका छन् ।
त्यस्तै अहिले नेपालमा ६११ जना कोरोना संक्रमित आइसीयुमा उपचारत रहेका मध्ये १७१ जनाको भेन्टिलेटरमा उपचार भइरहेको स्वास्थ्य मन्त्रालयले जनाएको छ ।
पछिल्लो २४ घण्टामा २० जनाको मृत्यु भएको स्वास्थ्य मन्त्रालयले जानकारी दिएको छ । नेपालमा कोरोनाबाट मृत्यु हुनेको संख्या ९७५८ पुगेको छ ।
प्रतिक्रिया दिनुहोस्