फरक–फरक पार्टिबाट बने ससुरा बुहारी मेयर उप–मेयर
काठमाडौं । रौतहटको चन्द्रपुर नगरपालिकामा नेपाली कांग्रेसका रामचन्द्र चौधरी विजयी भएका छन् । चौधरीले नेकपा एमालेका उद्धव रेग्मीलाई हराउँदै विजयी भएका हुन् ।
चौधरीले ९७८० मत ल्याएका छन् भने उनका निकटतम प्रतिद्न्दी नेकपा एमालेका उद्धव रेग्मीले ८८३१ मत ल्याएका छन् । चन्द्रपुर नगरपालिकामा उप–मेयरमा भने एमालेकी रामरती चौधरी विजयी भएकी छिन् । उनले ९९१६ मत ल्याएकी छिन् ।
फरकफरक पार्टीबाट विजयी भएता पनि उप–मेयर रामरती चौधरी र मेयर राचन्द्र चौधरी नाताले ससुराबुहारी हुन् ।
चन्द्रपुर नगरपालिकामा नेपाली कांग्रेसले ५ वटा वडा अध्यक्ष जितेको छ भने नेकपा एमालेले ३ वटा वडा जितेको छ । त्यस्तै माओवादी केन्द्रले २ वटा वडामा जित हासिल गरेको छ ।
नेपाली कांग्रेसबाट चन्द्रपुर नगरको मेयर बनेका रामचन्द्र चौधरी तत्कालीन सन्तपुर गाविसको अध्यक्ष समेत भइसकेका छन् । सुबलाल भागवत बहुमखी क्याम्पस सन्चालक समितिको अध्यक्ष समेत रहेका छन् ।
प्रतिक्रिया दिनुहोस्