राष्ट्रिय प्रजातन्त्र पार्टी (संयुक्त) को बैठक बस्दै

काठमाडौं । राष्ट्रिय प्रजातन्त्र पार्टी (संयुक्त) केन्द्रीय कार्यसम्पादन समितिको बैठक आइतबार बस्दैछ । बैठक बिहान ८ बजे पार्टी केन्द्रीय कार्यालय चाबहिलमा बस्ने ।

बैठकले पार्टीको भाबी कार्यक्रम, नीति र संगठन सुदृढीकरण एवं बिस्तारबारे छलफल हुने प्रवक्ता किरण गिरिले बताए ।

बैठकमा उच्चस्तरीय कार्यसम्पादन समितिका सदस्यहरु हरि बहादुर बस्नेत र नवराज सुवेदीले प्रतिवेदनहरु प्रस्तुत गर्नेछन् ।

यसअघि ९ पुसमा बसेको बैठकले अबका दिनहरुमा पार्टीलाई कसरी अगाडि बढाउने भन्ने विषयमा छुट्टाछुट्टै प्रतिवेदन तयार गर्न बस्नेत र सुवेदीलाई जिम्मा दिएको थियो ।
द्वय कार्यसम्पादन समितिका सदस्यले तयार गरेको प्रतिवेदन केन्द्रिय समितिमा घनिभुतरुपमा छलफल पछि पास हुनेछ ।