खगराज भट्ट नेकपा सुदूरपश्चिम प्रदेश कमिटीको सहइन्चार्जमा चयन

काठमाडौं, साउन ३१ । खगराज भट्ट नेपाल कम्युनिस्ट पार्टी (नेकपा)को सुदूरपश्चिम प्रदेश कमिटीको सहइन्चार्जमा चयन भएका छन् । शुक्रबार बसेको पार्टी सचिवालय बैठकले भट्टलाई सहइन्चार्जमा चयन गरेको हो ।

यसअघि भट्टलाई डँडेलधुरा जिल्लाको इन्चार्ज बनाइएको थियो । जिल्ला इन्चार्जमा असन्तुष्टि जनाउँदै उनले जिम्मेवारी नलिने घोषणा समेत गरेका थिए ।

भट्टको असन्तुष्टि सम्बोधन गर्दै नेकपाले सहइन्चार्जमा पदोन्नति गरेको हो । भट्टसँगै नेकपाका अन्य केन्द्रीय नेताहरूको पनि बाँडफाँट गरिएको नेकपाले जनाएको छ ।