सरकार र पार्टीको गतिविधि प्रभावकारी भएन : अध्यक्ष प्रचण्ड
काठमाडौं , साउन ९ । सरकार र पार्टीको गतिविधि प्रभावकारी नभएको नेपाल कम्युनिष्ट पार्टी (नेकपा) का अध्यक्ष प्रचण्डले गुनासो गरेका छन् ।
नेपाल कम्युनिष्ट पार्टीका संस्थापक सदस्य नरबहादुर कर्माचार्यको छैठौं स्मृति दिवसको अवसरमा आज पार्टी कार्यालय धुम्बाराहीमा आयोजित श्रद्धाञ्जली कार्यक्रममा उनले यस्तो गुनासो गरेका हुन् ।
कम्युनिस्ट पार्टीका लागि काम देखाउने समय आएको भन्दै उनले अहिले नगरिए इतिहासले धिक्कार्ने समेत बताए ।
अध्यक्ष दाहालले अहिलेको अवसरको सदुपयोग गर्न पार्टीलाई एक ढिक्का बनाउँदै सरकारको काम प्रभावकारी बनाउनुपर्ने बताए ।
सरकार र पार्टीको काम प्रभावकारी नभएको भन्दै सबैले सहयोग गर्नुपर्ने उनको भनाइ थियो ।
मानव जातीको भविष्य समाजवादबाट मात्र सुनिश्चित हुने बताउदै कार्यक्रममा उनले केही मान्छेहरु मात्रै धनी हुने र बहुसंख्यक गरिब हुने राजनीतिक प्रणालीले मानव जातिको भविश्य सुनिश्चित नहुने उल्लेख गरे ।
प्रतिक्रिया दिनुहोस्