गुठी विधेयक राष्ट्रियसभाबाटै फिर्ता लिन कांग्रेसको माग
काठमाडौं, असार ४ । प्रमुख प्रतिपक्षी दल नेपाली कांग्रेसले गुठी विधेयक राष्ट्रियसभाबाटै फिर्ता लिन माग गरेको छ ।
राष्ट्रियसभामा छलफलको प्रक्रियामा रहेको गुठी विधेयक संसदीय प्रक्रियाबाटै फिर्ता लिन सरकारसँग कांग्रेसले माग गरेको हो ।
कांग्रेस संसदीय दलका प्रमुख सचेतक बालकृष्ण खाँडले मन्त्रीस्तरीय निर्णयबाट मंगलबार फिर्ता लिएको गुठी विधेयक राष्ट्रिय सभाबाट पनि फिर्ता लिन सरकारसँग माग गरेका हुन् ।
बुधबार संघीय संसद भवन परिसरमा सञ्चारकर्मीमाझ उनले सरकारले सो विधेयक फिर्ता लिए पनि गुठियारहरुको मागलाई मनैदेखि स्वीकार गर्न नसकेको दावी गर्दै सम्बन्धित पक्षलाई सचेत पनि गराए ।
सरकारले सडक र सदनको दबाब थेग्न नसकेपछि सो विधेयक फिर्ता लिन बाध्य भए पनि त्यसलाई मनैदेखि स्वीकार नगरेको प्रमुख सचेतक खाँडको दावी छ ।
प्रमुख सचेतक खाँडले प्रधानमन्त्री केपी ओलीले मन्त्री पदमा अर्यालले सो विधेयक फिर्ता लिएको पत्रकार सम्मेलनबाट जानकारी पाएको भनेपछि के सरकारले सो विधेयक गुठीयारहरुको मागलाई सम्बोधन गर्न फिर्ता लिएको हो ? भन्ने आशंका जन्माएको दावी पनि गरे ।
यसैबिच सरकारले गुठी विधेय फिर्ता लिए पनि गुठी पक्षधरहरुले काठमाडौंको माइतिघर विशाल प्रदर्शन गरेका छन् ।
गुठीविधेयकका विरोधकर्ताहरु यति बेला राजधानीको माइतीघरमा भेला भएका छन् । उनीहरुले गुठी विधेयक फिर्तामात्रै नभएर रद्द नै गर्नुपर्नेमा माग गरेका छन् ।
चर्को दबाबपछि सरकारले गुठी विधेयक फिर्ता लिए पनि काठमाण्डौमा विभिन्न माग राख्दै गुठी विधेयकविरुद्ध प्रदर्शन सुरु भएको छ ।
प्रतिक्रिया दिनुहोस्