कमल थापाले भने – पूर्वराजा र चन्द समूह अट्ने गोलमेच सम्मेलन गर्नुपछ

काठमाडौं , जेठ २३ । राष्ट्रिय प्रजातन्त्र पार्टीका अध्यक्ष कमल थापाले पूर्वराजा र नेत्रविक्रम चन्द नेतृत्वको समूह अट्न सक्नेगरी गोलमेच सम्मेलन गर्नुपर्नेमा बताएका छन् ।

बिहीबार पोखरामा आयोजित पत्रकार सम्मेलनमा बोल्दै उनले पूर्वराजा र चन्द नेतृत्वको समूहलाई मूल राजनीतिक धारमा ल्याउने गरी गोलमेच सम्मेलन गर्नुपर्ने बताएका हुन् ।

अध्यक्ष थापाले असन्तुष्ट समूहहरुले देशमा विखन्डन ल्याउनसक्ने भन्दै दिगो शान्ति र स्थिरताका लागि ठूला दलहरु अगाडि बढ्न जरुरी रहेको बताए ।

ठूला राजनीतिक दल संस्थागत भ्रष्टाचारमा लागेर ब्रह्मलुट मच्चाइरहेको आरोपसमेत उनले लगाए ।

उनले नयाँ संविधान बनेपछि पनि शान्ति र स्थिरता आउन नसकेको भन्दै सबै शक्तिलाई राजनीतिको मूलधारमा ल्याउने समय आएको जिकिर गरे ।