नवलपुरमा गुडिरहेको ट्रकमा पेट्रोल बम प्रहार, चालक घाइते

नवलपरासी, १३ जेठ । नवलपुरमा नेत्र विक्रम चन्द (विप्लव) नेतृत्वको नेकपाका कार्यकर्ताले ट्रकमा पेट्रोल बम प्रहार गरी आगजनी गरेका छन् ।
मध्यबिन्दु नगरपालिका –११ मा गुडिरहेको लु २ ख १०८ नम्बरको ट्रकमा पेट्रोल बम प्रहार गरी आगजनी गरेका हुन् । सिमेन्ट बोकेर नारायणगढतर्फ जाँदै गरेको ट्रकमा सोमबार बिहान तीन बजे पेट्रोल बम प्रहार गरिएको हो ।

पेट्रोल बम प्रहार गर्दा ट्रक अनियन्त्रित भई सडकदेखि ५ मिटर तल खसेको छ । ट्रक चालक तनहुँ ब्यास नगरपालिका –४, बस्ने ३३ वर्षीय अमर विक घाइते हुनुभएको छ । उनको ढाड र अनुहारमा आगोले पोलेको छ । घाइते विकको स्थानीय मेडिकलमा उपचार भैरहेको प्रहरीले जनाएको छ ।

काठमाण्डौ आजदेखि बुद्ध एअरले काठमाण्डौ कोलकाता उडान गर्ने भएको छ । बुद्ध एअरले आइतबार पत्रकार सम्मेलन गरी उडानबारे जानकारी गराएको हो ।

सोमबारदेखि काठमाण्डौ–कोलकाता–काठमाण्डौको व्यवसायिक उडान गर्न लागिएको बुद्ध एयरका प्रबन्ध निर्देशक विरेन्द्रबहादुर बस्नेतले बताए ।

हरेक सोमबार, बुधबार र शुक्रबार बिहान ८ बजे काठमाडौबाट कोलकाताका लागि उड्ने छ भने बिहान साढे १० बजे कोलकाताबाट काठमाडौका लागि जहाज उड्ने छ ।