विप्लव समूहका एक कार्यकर्ता जाजरकोटबाट पक्राउ

काठमाडौ, १ जेठ । विप्लव समूहका एक कार्यकर्ता जाजरकोटबाट पक्राउ परेका छन् । जाजरकोटस्थित छेडागाड नगरपालिकाको वडा नं १२ कार्कीगाउँबाट पक्राउ परेका हुन् ।

पक्राउ पर्ने छेडागाड इञ्चार्जसमेत रहेका कैलाश पुनलाई प्रहरीले मंगलबार राति पक्राउ गरी जिल्ला प्रहरी कार्यालयमा राखेको विप्लव समूहका जाजरकोट इन्चार्ज प्रेमप्रकाश ओलीले जानकारी दिए ।

प्रहरीले जानकारी दिएअनुसार पक्राउ पर्ने पुनले विप्लव समूहका कार्यकर्तालाई विभिन्न ठाउँमा पुर्‍याउन र ल्याउन सक्रिय भूमिका खेलेको आरोपमा पक्राउ गरिएको हो ।