विप्लव नेतृत्वको नेकपाकी पोलिटब्यूरो सदस्य उमा भुजेल पक्राउ

काठमाडौं, बैशाख २ । नेत्र विक्रम चन्द विप्लव नेतृत्वको नेकपाकी पोलिटब्यूरो सदस्य उमा भुजेललाई प्रहरीले पक्राउ गरेको छ ।

जिल्ला प्रहरी कार्यालयबाट खटिएको टोलीले उनलाई गोरखा नगरपालिका(८, आयुर्वेद चोक नजिकैबाट पक्राऊ गरेको हो ।

उनको साथबाट पार्टीका केही दस्तावेज र किताब बरामद गरिएको जिल्ला प्रहरी प्रमुख एसपी भोला रावलले बताए । भुजेल पार्टीनिकट अखिल नेपाल महिला संघको केन्द्रीय सदस्य पनि छिन् ।

उमा भुजेल २०५७ साल चैत १७ गते गोरखा जेलब्रेक गर्ने टोलीको नेतृत्वकर्ता पनि हुन् ।