पार्टीको नाम फेरेपछि सीके राउतले पहिलो जनसभा गर्दैै

काठमाडौं , चैत ३० । स्वतन्त्र मधेश गठबन्धनको नाम फेरेर आफ्नै नेतृत्वमा जनमत पार्टी गठन गरेका सीके राउतले सिरहाको मिर्चैयामा पहिलो पटक जनसभा आयोजना गरेका छन् ।

जनमत पार्टीको गठनपछि यो राउतको पहिलो सार्वजनिक सम्बोधन हुनेछ ।
जनसभाका लागि मञ्च व्यवस्थापन समितिका संयोजक निर्मल मण्डलले मिर्चैया नगरपालिका वडा नम्बर ५ स्थित मोहन माविमा शनिवार जनसभा आयोजना गरिएको बताए ।

नेपाल सरकारसँग ११ बुँदे सहमति पश्चात् राउत मूलधारको राजनीतिमा आएका थिए ।