प्रतिबन्धित विप्लव नेकपाका पोलिटब्युरो सदस्य कार्की पक्राउ

काठमाडौँ , चैत २ । नेत्रविक्रम चन्द विप्लव नेतृत्वको नेकपाका पोलिटब्युरो सदस्य पक्राउ परेका छन्।

सरकारद्वारा प्रतिबन्धित पार्टी विप्लव नेकपाका पोलिटब्युरो सदस्य मोहन कार्की ‘जीवन्त’ पक्राउ परेका हुन्।

प्रहरी स्रोतका अनुसार जीवन्त औषधि किनेर डेरा फर्किरहेको बेला विशेष सूचनाको आधारमा प्रहरीको विशेष ब्युरोले पक्राउ गरेका हो।

प्रहरीले शुक्रबार राति ललितपुरस्थित उनकै डेराबाट जीवन्तलाई पक्राउ गरेको थियो। फागुन २८ गते बसेको मन्त्रिपरिषद् बैठकले विप्लवको पार्टीलाई आपराधिक समूह ठहर गर्दै प्रतिबन्ध लगाउने निर्णय गरेको थियो।

जीवन्त यसअघि पनि पक्राउ परेका थिए। सर्वोच्च अदालतको आदेशपछि रिहा भएका थिए।