गृहमन्त्री थापा भन्छन्- शहीदहरुले देखाएको बाटोबाटै अघि बढ्छु
काठमाण्डौ, फागुन १४ । गृहमन्त्री रामबहादुर थापाले शहीदहरुले देखाएको बाटोबाटै अघि बढने प्रतिबद्धता व्यक्त गरेका छन् ।
नेपाल कम्युनिष्ट पार्टी ९नेकपा० को सचिवालयका सदस्यसमेत रहेका थापाले शहीदहरुको बलिदानीपूर्ण संघर्षबाट मुलुकमा संघीय लोकतान्त्रिक गणतन्त्र स्थापना गर्न सफल भएको उल्लेख गर्दै उनीहरुले देखाएको बाटोबाटै मुलुकलाई समृद्ध बनाउने दिशामा अघि बढन पनि सबैलाई आह्वान गरे
मंगलबार काठमाण्डौमा जनयुद्धका प्रथम शहीद दिलबहादुर रम्तेलको स्मृतिमा आयोजित एक कार्यक्रममा बोल्दै उनले शहीदहरुले देखाएको बाटोबाटै समाजवाद निर्माणको आधार तय गर्दै अघि बढने संकल्प गरे ।
शहीदहरुको सपना, त्याग र बलिदानबाटै मुलुकमा राजनीतिक तथा सांस्कृतिक परिवर्तन सम्भव भएको उल्लेख गर्दै गृहमन्त्री थापाले अब मुलुक समृद्धिको नयाँ युगमा प्रवेश गरेको पनि बताए । उनले मुलुकको समृद्धिका लागि राष्ट्रिय एकतालाई झनै सुदृढ बनाउँदै अघि बढनुपर्नेमा पनि जोड दिए ।
नेपालको सामाजिक तथा राजनीतिक परिवर्तनमा उत्पीडित समूदायले पुर्याएको योगदानको पनि गृहमन्त्री थापाले खुलेर प्रशंसा गरे ।
प्रतिक्रिया दिनुहोस्