राजपा अध्यक्ष मण्डलको संयोजकको जिम्मेवारी महेन्द्रराय यादवलाई

काठमाडौ, ६ माघ । राष्ट्रिय जनता पार्टी नेपालले अध्यक्ष मण्डलको संयोजकको जिम्मेवारी महेन्द्रराय यादवलाई दिने निर्णय गरेको छ ।

पार्टी केन्द्रीय कार्यालय बबरमहलमा बसेको बैठकले चक्रीय प्रणाली अनुसार यही माघ ६ गतेदेखि अध्यक्ष मण्डलका सदस्य यादवलाई संयोजकको जिम्मेवारी दिने निर्णय गरेको अध्यक्ष मण्डलका संयोजक राजेन्द्र महतोले जानकारी दिए ।

बैठकले शहीद परिवारलाई सहयोग गर्न शहीदको सम्मान स्वरुप बलिदानी दिवसका अवसर पारेर ‘शहीद कल्याण कोष’ स्थापना गर्ने निर्णय गरेको छ । त्यसैगरी केन्द्रीय पर्यवेक्षकको उपस्थितिमा यही माघ १६ गते जिल्ला सदरमुकाममा सदस्यता अभियानको समीक्षा बैठक गर्ने निर्णयपनि गरेको छ ।