ओली-नेपाल खटपटः ओलीले एकलौटी गर्न खोजेको आरोप

काठमाडौं । तत्कालीन एमाले र एकीकृत नेकपा माओवादी मिलेर बनेको नेकपामा जिल्ला नेतृत्व चयन गर्दा पार्टी अध्यक्ष केपी ओली पक्षले एकलौटी गरेको आरोप लगाउँदै माधव नेपाल पक्ष असन्तुष्ट बनेको छ ।

जिल्ला कमिटीहरुमा नेतृत्व चयन गर्दा पार्टी अध्यक्ष ओली पक्षले एकलौटी गरेको नेपाल पक्षको आरोप छ ।

पार्टीभित्र आफूहरुलाई पेलेर अघि बढ्ने नीति लिइए सह्य नहुने नेपाल पक्षको चेतावनी छ ।

जिल्ला तहमा नेतृत्व चयन गर्दा ओली पक्षले पेलेर र स्थान नदिएको गुनासो लिएर नेपाल निकट नेताहरु काठमाडौं आउन थालेका छन् ।

नेतृत्व चयन गर्दा बदनियत राखेर अन्याय गरिएको भन्दै अर्घाखाँची जिल्लाका पुराना नेता रामबहादुर चौहान काठमाडौं आएका छन् । नागरिक दैनिकबाट