कांग्रेसको सभापतिमा गगन कुमार थापा निर्वाचित, थापाले ६ हजार ५८४ मत प्राप्त गरे

काठमाडौं। २४ असोज । नेपाली कांग्रेसको सभापतिमा गगन कुमार थापा निर्वाचित भएका छन् ।

१५ औं महाधिवेशन अन्तर्गत शुक्रबार मतदान सम्पन्न लगत्तै राति अबेरबाट काठमाडौंको राष्ट्रिय सभा गृहमा भएको मतगणना सकिएको सभापतिमा गगनकुमार थापा निर्वाचित भएको मिडिया सेन्टरका सदस्य महेश गौतमले जानकारी दिए ।

उनका अनुसार, सभापति निर्वाचित भएका थापाले ६ हजार ५८४ मत प्राप्त गरेका छन् । त्यस्तै थापासँग प्रतिस्पर्धामा उत्रिएका श्यामकृष्ण खड्गीले भने ३७५ मत पाप्त गरेका छन् । जसमा कुल ५४ मत बदर भएको थियो ।

७ हजार ३ सय १७ जना महाधिवेशन प्रतिनिधि रहेकोमा ७ हजार ३९ जनाले मतदान गरेको निर्वाचन समितिले जनाएको छ ।

सभापति बाहेकका मतपेटिका भने पार्टी कार्यालय सानेपा लगिएको छ । आज दिउँसोदेखि मतगणना गर्ने तयारी निर्वाचन समितिले गरेको छ ।