आज जेनजी शहीद दिवस, देशभरि सार्वजनिक बिदा

काठमाडौं, २३ भदौ। जेनजी आन्दोलनका शहीदहरूको सम्झनामा सरकारले आज (भदौ २३)देशभरि सार्वजनिक बिदा दिएको छ।

१८ भदौमा बसेको मन्त्रिपरिषद् बैठकले जेनजी आन्दोलन भएको २३ भदौको दिन (भदौ (२३)लाई ‘जेनजी शहीद दिवस’ घोषणा गर्दै आज देशभरि सार्वजनिक बिदा दिने निर्णय गरेको थियो । जेनजी आन्दोलनको आज एक वर्ष पूरा भएको छ ।

सामाजिक सञ्जालमाथिको प्रतिबन्धबाट सुरु भएको जेनजी आन्दोलन क्रमशः राज्य सञ्चालनको शैली, राजनीतिक नेतृत्वको कार्यक्षमता, भ्रष्टाचार, नातावाद, बेरोजगारी, सार्वजनिक सेवा र अवसरको असमानताविरुद्धको आवाजमा परिणत भयो । आन्दोलनमा परिणत भएको थियो ।

२३ भदौमा संघीय राजधानी काठमाडौंमा भएको प्रदर्शनमा प्रहरीको गोली लागेर १९ जनाको मृत्यु भएको थियो । सो घटनाको विरोधमा २४ भदौमा मुलुकभर प्रदर्शन भएको थियो ।

दुई दिनको प्रदर्शनका क्रममा सुरक्षाकर्मी र प्रदर्शनकारीसमेत गरेर ७६ जनाको मृत्यु भएको थियो भने सरकारी तथा निजी भौतिक संरचनामाथि आगजानी समेत भएको थियो । देशको प्रशानिक केन्द्र सिंहदरबार, सर्वोच्च अदालत, सडक विभाग, प्रधानमन्त्री निवास वालुवाटार लगायत सरकार र नीजि व्यक्तिको निजि निवास पनि आगजनी भएको थियो । यसले राष्ट्रको भौतिक संरचना मात्रै जलेन महत्वपूर्ण दस्तावेज पनि क्षे भएको भयो ।