कांग्रेसको केन्द्रीय समितिको बैठक, पाँच प्रदेशका सभापति सहभागी 

काठमाडौं, २५ साउन । नेपाली कांग्रेसको केन्द्रीय समितिको बैठक सुरु भएको छ । बैठकमा सात प्रदेशका सभापतिमध्ये पाँच प्रदेशका सभापति सहभागी भएका छन् भने दुई प्रदेशका सभापति अनुपस्थित रहेका छन् ।

आइतबारबाट केन्द्रीय कार्यालय सानेपाम सुरु भएको बैठकमा प्रदेश सभापतिलाई आमन्त्रित सदस्यका रूपमा बोलाइएको हो ।

बैठकमा उपस्थित हुने प्रदेश सभापतिमा कोशीका उद्धव थापा, मधेशका कृष्ण यादव, बागमतीका इन्द्र बानियाँ, गण्डकीका शुक्रराज शर्मा र लुम्बिनीका अमरसिंह पुन छन् ।

कर्णालीका सभापति ललितजंग शाही र सुदूरपश्चिमका वीरबहादुर बलायर बैठकमा सहभागी नभएको एक केन्द्रीय सदस्यले जानकारी गराएका छन ।

हिजोदेखि सुरु भएको केन्द्रीय समिति बैठकमा आजबाट केन्द्रीय सदस्यहरूले धारणा राख्ने क्रम सुरु भएको छ । बैठकमा छलफलका लागि आठ एजेण्डा तय गरिएको छ ।

पार्टीसँग सम्बन्धित छलफलका एजेण्डाहरूमा १५ औं महाधिवेशन तयारी, नियमावली र निर्वाचन निर्देशिका, सदस्यता अद्यावधिक र वितरण, महाधिवेशन तयारी समिति गठन, विधान मस्यौदा समिति गठन, प्रचार प्रसार, भोजन तथा आवास, मञ्च व्यवस्थापन लगायतका उपसमिति गठन र कार्यसम्पादन समितिका निर्णय अनुमोदन, सदस्यता व्यवस्थापन केन्द्रीय समितिको निर्णय अनुमोदन, जनसम्पर्क समिति भ्रातृ संस्थाहरूको विधान लगायत एजेडमा माथि छलफल भएको छ ।

बैठकका थप एजेण्डाहरूमा पछिल्लो समयमा तराई मधेशमा भएका घटनाक्रम र सामाजिक सद्भाव कायम गर्ने, सरकारका १०० दिन, तत् पश्चातका गतिविधि र प्रमुख प्रतिपक्ष दलका रूपमा संसद र संसद बाहिर पार्टीको भूमिका, प्रदेश सरकारका सन्दर्भमा विकसित राजनीतिक परिस्थिति र समसामयिक छन् । यसले पार्टी एकतालाई पनि विशेष छलफल हुनेछ । संस्थापन इतर समूहको बैक पाि बसिरहेको छ ।