पार्टी नेतृत्वलाई मार्गप्रशस्त गर्न पूर्वप्रधानमन्त्री झलनाथ खनालको आग्रह
काठमाडौं, असार ३ — नेपाली कम्युनिस्ट पार्टी (नेकपा) का नेता तथा पूर्वप्रधानमन्त्री झलनाथ खनालले पार्टी संयोजक पुष्पकमल दाहाल ‘प्रचण्ड’ र सहसंयोजक माधवकुमार नेपाललाई नेतृत्व हस्तान्तरणका लागि मार्गप्रशस्त गर्न आग्रह गरेका छन्।
खनालले लिखित रूपमा राखेको धारणा अनुसार पार्टी एकीकरण घोषणा भए पनि लामो समयसम्म संगठनात्मक एकता प्रभावकारी रूपमा अघि बढ्न नसकेको उल्लेख गरिएको छ।
उनले गत फागुनमा सम्पन्न प्रतिनिधिसभा निर्वाचनमा पार्टीले पराजय बेहोर्नुपरेको उल्लेख गर्दै त्यसपछि पनि राजनीतिक शक्ति सन्तुलनको विश्लेषण र नयाँ रणनीति तय गर्न नसकिएको बताएका छन्।
खनालले पार्टी नेतृत्वबाट नयाँ राजनीतिक कार्यदिशा, नीति तथा सिद्धान्त स्पष्ट रूपमा प्रस्तुत हुन नसकेको भन्दै कार्यकर्ता र जनतालाई दिशानिर्देश दिन आवश्यक रहेको धारणा व्यक्त गरेका छन्।
उनले वर्तमान परिस्थितिअनुसार संगठनलाई पुनर्गठन र सशक्त बनाउन नेतृत्व परिवर्तन वा जिम्मेवारी हस्तान्तरण आवश्यक हुन सक्ने संकेत गरेका छन्।
प्रतिक्रिया दिनुहोस्