मेरो मात्रै आलोचना भयो : सभापति देउवा

The Prime Minister, Shri Narendra Modi with the Prime Minister of Nepal, Mr. Sher Bahadur Deuba, at Hyderabad House, in New Delhi on August 24, 2017.

काठमाडौं । नेपाली कांग्रेसका सभापति शेरबहादुर देउवाले पार्टी नेताहरूले आफ्नो मात्रै आलोचना गर्ने गरेको भन्दै आक्रोश व्यक्त गरेका छन् । सभापति देउवाले आफ्नो आलोचना गरेर पार्टी सामू आइपरेको चुनौतिको सामना गर्न नसकिनेतर्फ पनि पार्टीका नेताहरूलाई सचेत गराए ।

मंगलबार नेपाल ट्रेड युनियन कांग्रेसको छैठौँ राष्ट्रिय महाधिवेशनलाई काठमाडौंमा उद्घाटन गर्दै उनले पार्टीका नेताहरू कम्युनिस्टहरूलाई आलोचना गर्न भने डराएको दावी समेत गरे । सभापति देउवाले विद्यमान चुनौतिलाई सामना गरेर अघि बढन पार्टी भित्र एकताको विकल्प नरहेको पनि बताए ।

उनले आफूले पार्टीको विधानअनुसार गरेको निर्णयप्रति पनि असन्तुष्टि जनाउने काम भइरहेको भन्दै आपत्ति पनि जनाए । सभापति देउवाले पार्टी विधान वा सहमतिको आधारमा चल्ने पनि स्पष्ट पारे ।