स्पेसएक्सको ऐतिहासिक आईपीओ सार्वजनिक हुँदै, ७५ अर्ब डलर उठाउने लक्ष्य

जेष्ठ, २४ काठमाडौं । विश्वकै सबैभन्दा ठूलो निजी अन्तरिक्ष कम्पनी SpaceX ले इतिहासकै ठूलो प्रारम्भिक सार्वजनिक निष्कासन (आईपीओ) ल्याउने तयारी गरेको छ। कम्पनीले आईपीओमार्फत करिब ७५ अर्ब अमेरिकी डलर उठाउने लक्ष्य राखेको जनाएको छ।

Elon Musk द्वारा स्थापित कम्पनीले प्रतिशेयर १३५ अमेरिकी डलर मूल्य निर्धारण गरेको छ। कम्पनीले करिब ५५ करोड ५६ लाख सेयर बिक्री गर्ने योजना बनाएको छ।

आईपीओका लागि ४ जुनदेखि लगानीकर्ता रोडशो सुरु भएको छ भने ११ जुनमा मूल्य निर्धारण प्रक्रिया सम्पन्न हुनेछ। त्यसपछि कम्पनीको सेयर कारोबार नास्डाक बजारमा सुरु हुने अपेक्षा गरिएको छ।

यो आईपीओपछि कम्पनीको कुल मूल्याङ्कन करिब १.७५ ट्रिलियन अमेरिकी डलर पुग्ने अनुमान गरिएको छ, जसले स्पेसएक्सलाई विश्वकै सबैभन्दा मूल्यवान कम्पनीहरूमध्ये एक बनाउनेछ।

विश्लेषकहरूका अनुसार कम्पनीको मूल्याङ्कन मुख्यतः यसको उपग्रह इन्टरनेट सेवा Starlink, पुनःप्रयोगयोग्य रकेट प्रविधि तथा भविष्यका अन्तरिक्ष परियोजनाहरूमा आधारित रहेको छ।

स्पेसएक्सको आईपीओलाई विश्व वित्तीय बजारकै सबैभन्दा प्रतीक्षित सार्वजनिक निष्कासनमध्ये एक मानिएको छ।