नेपालको अन्तरराष्ट्रिय सम्बन्धलाई विकास र आर्थिक समृद्धिसँग जोड्न सरकार प्रतिबद्ध: परराष्ट्रमन्त्री खनाल

राष्ट्रिय स्वतन्त्र पार्टी (रास्वपा) टोखा नगरपालिका–९ ले आज बिहान आयोजना गरेको कार्यक्रममा बोल्दै उनले नेपालको अन्तरराष्ट्रिय सम्बन्ध विश्वका विभिन्न मुलुक तथा अन्तरराष्ट्रिय संस्थासँगको कूटनीतिक, आर्थिक, सांस्कृतिक र रणनीतिक सम्बन्धमा आधारित रहेको उल्लेख गरे।

उनले अन्तरराष्ट्रिय साझेदारीलाई नेपालको विकासका प्राथमिक क्षेत्रसँग जोड्दै लगानी, व्यापार, प्रविधि र पर्यटन विस्तारमा उपयोग गर्नुपर्ने आवश्यकता औँल्याए। मन्त्री खनालले नेपालले बहुपक्षीय सम्बन्ध सुदृढ गर्दै राष्ट्रिय हितलाई केन्द्रमा राखेर कूटनीति सञ्चालन गरिरहेको पनि बताए।

कार्यक्रममा सहभागीहरूले नेपालको विदेश नीति र अन्तरराष्ट्रिय सहकार्यलाई अझ प्रभावकारी बनाउँदै आर्थिक अवसर विस्तार गर्नुपर्ने सुझाव दिएका थिए।