कांग्रेस जिल्ला सभापतिको भेलाको मिति आज तय हुने

काठमाडौँ । कांग्रेस जिल्ला सभापतिको भेलाको मिति आज तय हुने भएको छ । केन्द्रीय समितिको निर्णय अनुसार नेपाली कांग्रेसको जिल्ला सभापतिहरुको भेलाको मिति आज तय गर्ने भएको हो ।

जेठ २४, २५ र २६ का लागि भेलाको मिति प्रस्ताव गरिए पनि औपचारिक निर्णय भने भइसकेको छैन। केन्द्रीय समितिले जिल्ला सभापतिको भेला र महासमिति बैठक बोलाउने निर्णय गरेको थियो।

शुक्रबार पदाधिकारीको बैठक बसे पनि मिति तय भइनसकेको कांग्रेस केन्द्रीय कार्यालयका मुख्य सचिव कृष्णप्रसाद पौडेलले जानकारी दिए।
पौडेलका अनुसार जिल्ला सभापतिहरुको भेलाको मिति र स्थान आजै तय हुनेछ।

केन्द्रीय समितिले वैशाख १६ गते जिल्ला सभापतिहरुको भेला गर्ने निर्णय गरेको थियो।