संसद बैठक आज बस्दै, बैठकमा ओलीले मोदीको भ्रमणबारे जानकारी गराउने

काठमाडौं । संसद बैठक आज बस्दैछ । बैठकमा आज प्रधानमन्त्री केपी शर्मा ओलीले भारतीय प्रधानमन्त्री नरेन्द्र मोदीको भ्रमणबारे जानकारी गराउनु हुनेछ ।

भ्रमणका बेला भएका उपलब्धिका बारेमा प्रधानमन्त्री ओलीले जानकारी गराउन लाग्नु भएको उहाँको निजी सचिवालयले जनाएको छ । यस्तै, संसदका दुवै सदनमा बजेटका सिद्धान्त तथा प्राथमिकतामाथि छलफलले आजदेखि निरन्तरता पाउने छ ।

भारतीय प्रधानमन्त्री मोदीको भ्रमणका कारण रोकिएको छलफलले आजदेखि निरन्तरता पाउन लागेको हो । अर्थमन्त्री डाक्टर युवराज खतिवडाले गएको २६ गते आगामी आर्थिक वर्ष २०७५र०७६ को बजेटका प्राथमिकता तथा सिद्धान्त पेश गर्नु भएको थियो ।