एकताका अधिकांश विषय अन्तिम चरणमा, प्रचण्ड

काठमाडौँ ।  नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेकपा (एमाले) सँगको एकता प्रक्रिया अन्तिम चरणमा पुगेको बताएका छन ।

पार्टी केन्द्रीय कार्यालय पेरिसडाँडामा  बसेको पार्टी सचिवालय बैठकमा एकताका अधिकांश विषय अन्तिम चरण पुगेको अध्यक्ष प्रचण्डले बताएको पार्टी प्रवक्ता पम्फा भुसालले जानकारी दिए ।

एकताका विषयमा धेरै विषय मिल्दै गएको र बाँकी रहेका विषयलाई आज दुई अध्यक्षबीच छलफल गरेर अन्तिम रुप दिने चरणमा पुगिने अध्यक्ष प्रचण्डको भनाइ थियो ।

बैठकमा उनले एकतालाई सबै तहमा मिलाएर लैजानका लागि संगठनलाई सुदृढ गर्नसमेत बैठकमा निर्देशन दिए । प्रवक्ता भुसालका अनुसार तलैसम्म कमिटीलाई चुस्त बनाउन र पार्टी सदस्य नवीकरणसहित संगठनलाई अध्यावधिक गर्न पनि उनले निर्देशन दिए ।