कांग्रेस केन्द्रीय समितिको बैठक आज पनि जारी , शशांकले प्रस्ताव पेश गर्ने, देउवाले जवाफ दिने
काठमाडौं । नेपाली कांग्रेस केन्द्रीय समितिको निर्वाचन समीक्षा बैठक १३ दिन आज पनि जारी रहनेछ।
आजको केन्द्रीय समितिमा महामन्त्री शशांक कोइरालाले पार्टीको आगामी प्रतिवेशन प्रस्ताव पेश गर्नेछन् भने सभापति शेरबहादुर देउवाले नेतृत्वमाथि उठेका सवालको जवाफ दिने तयारी गरेका छन्।
पार्टी प्रवक्ता विश्वप्रकाश शर्माकाअनुसार सरकारलाई हेर्ने दृष्टिकोणदेखि महासमिति बैठकको मिति तयसम्मका विषयलाई महामन्त्रीले प्रस्तुत गर्ने छन्।
ुमित्रराष्ट्रका कुरा, सरकारलाई कांग्रेसले हेर्ने दृष्टिकोण र अरु दलसँग कसरी प्रस्तुत हुने भन्ने एजेन्डामाथि महामन्त्रीले धारणा राख्नुहुनेछ, शर्माले भने।
त्यसैगरी महासमितिको मितिबारे पनि महामन्त्री कोइरालाले नै धारणा राख्ने उनले बताए।
महामन्त्री कोइरालाको प्रस्ताव प्रतिवेदन अन्तिम रुप दिन ढिलाई भएकोले हिजोको बैठक स्थगित भएको थियो।
महामन्त्रीले आफ्नो प्रतिवेदन प्रस्ताव पेश गरेपछि सभापति देउवाले केन्द्रीय समितिमा उठेका सवालहरूको उत्तर दिनेछन्।
प्रतिक्रिया दिनुहोस्