भारतीय प्रधानमन्त्री मोदीको नेपाल भ्रमण राजकीय हुने!

काठमाडौं । परराष्ट्रविद् एवं नेकपा एमालेका नेता डा. राजन भट्टराईले भारतीय प्रधानमन्त्री नरेन्द्र मोदीको नेपाल भ्रमण धार्मिकमात्रै नभएर राजकीय हुने बताउनु भएको छ ।
आज काठमाडौंमा रिपोर्टर्स क्लबद्वारा आयोजित साक्षात्कारमा उहाले मोदीको भ्रमण कहिले हुने भन्ने निश्चित नभएपनि निकट भविष्यमा मोदी नेपाल आउने बताउनु भयो ।
मोदीको नेपाल भ्रमणले नेपाल–भारतबीचको सम्बन्धलाई थप उचाइमा र्पुयाउने भट्टराईको भनाइ थियो ।
कार्यक्रममा राष्ट्रिय जनता पार्टी नेपालका नेता अनिल झाले भारतीय प्रधानमन्त्री मोदीको भ्रमणले दुई देशबीचको सम्बन्ध सुधारमा सहयोग पुग्ने बताउनु भयो।
जनकपुरसमेत जाने तयारीमा रहेका मोदीलाई त्यहाँ स्वागत गर्न जनकपुरवासीले तयारी गरेको उहाले बताउनु भयो ।