एमालेको स्थायी कमिटी बैठक बस्दै
काठमाडौं । नेकपा एमालेको स्थायी कमिटी बैठक आज बस्ने भएको छ । बैठक दिउँसो ३ बजे बस्ने बोलाइएको एमाले पार्टी कार्यालय मुख्य सचिव कृष्णगोपाल श्रेष्ठले जानकारी दिनुभयो ।
उहाँका अनुसार बैठकमा प्रधानमन्त्री एवं पार्टी अध्यक्ष केपी शर्मा ओलीको भारत भ्रमण, पार्टी एकता प्रक्रियामा भएको प्रगतीलगायतका विषयमा छलफल हुनेछ । साथै आजको बैठकमा पार्टी एकताका लागि बनेको राजनीतिक र सांगठनिक तथा विधान कार्यदलले संयोजन समितिमा बुझाएको प्रतिवेदनमाथि सामान्य ब्रिफिङ हुने नेता सुवास नेम्वाङले बताउनुभयो ।
कार्यदलले बैशाख ९ गतेका दिन पार्टी एकता गर्न उपयुक्त हुने सुझाव सहितको प्रतिवेदन हिजो पार्टी एकता संयोजन समितिलाई बुझाएको थियो । बैठकमा दुवै प्रतिवेदनमाथि आज स्थायी कमिटी बैठक सामान्य ब्रिफिङ हुनेछ । यसअघि दुई दलले प्रधानमन्त्री ओलीको भारत भ्रमणअघि नै एकता गर्ने बताएका थिए । तर, विभिन्न विषयमा सहमति जुटन नसकेपछि एकता लम्बिने संकेत देखिएको छ ।
प्रतिक्रिया दिनुहोस्