कांग्रेस पदाधिकारी तथा पूर्वपदाधिकारीको बैठक २ बजे बस्दै

काठमाडौं, बैशाख १२ । कांग्रेसले पदाधिकारी तथा पूर्वपदाधिकारीको बैठक बोलाएको छ ।

सभापति शेरबहादुर देउवाले आइतबार दिउँसो अहिले २ बजेका लागि आफ्नै निवास बुढानीलकण्ठमा बैठक बोलाएका हुन् । बैठकमा पार्टीको १४औँ महाधिवेशन र समसामयिक राजनीतिक विषयमा छलफल हुने भएको छ ।

साथै आजको बैठकले सोमबार बस्ने केन्द्रीय समितिको बैठकका लागि साझा प्रस्ताव र धारणा तयार पनि तय गर्ने नेताहरूले बताएका छन् ।

बैठकमा राष्ट्रिय सभाको उपनिर्वाचन, केन्द्र र प्रदेशको सत्तासमीकरणलगायत विषयमा समेत छलफल हुनेछ ।